اول يوم ليا
اسألها هي.
الصمت اللي حصل في المكتب كان تقيل.
الظابط قفل الملف وقال
في حاجات هنا ما بتتعاملش بالذكاء بتتعامل بالقوة. وسوسو مش أي حد.
أنا رديت لأول مرة بابتسامة بسيطة
وأنا كمان مش أي حد.
الظابط رفع حاجبه المرة دي بجد بقى مهتم.
قبل ما يكمل كلامه، الباب خبط بعنف.
مساعده دخل بسرعة
يا فندم في مشكلة في العنبر 3 في حالة هياج.
الظابط وقف فورًا
مين؟
المساعد رد وهو باصص ناحيتي كأنه مش مصدق
سوسو وبتقول مش هتهدى غير لما الجديدة ترجع.
سكت لحظة.
وبعدين بصلي.
النظرة دي كانت مختلفة عن الأول بقت فيها حسابات.
واضح إنك دخلتي أسرع مما مفروض.
أنا رديت بهدوء وأنا واقفة
أو يمكن أنا دخلت في الوقت الصح.
خرجنا من المكتب بسرعة.
الممرات نفسُها بس الجو اتغيّر.
الصوت بقى أعلى، التوتر بقى ملموس، الباب الحديدي بتاع العنبر 3 كان بيتهز من جوه.
وصلنا.
الظابط بصلي
ادخلي وخلّصي الموضوع.
سكت لحظة.
بعدين الباب اتفتح.
أول ما دخلت
الصوت كله سكت مرة واحدة.
سوسو كانت واقفة في النص، شعرها منكوش، عينيها غضب حواليها سجينات متوترين، وكأن حاجة على وشك ا
بصّتلي.
وقالت بصوت عالي
أخيرًا رجعتي كنت فاكرة إنك زي الباقي.
أنا دخلت خطوة واحدة بس.
وقلت بهدوء
أنا ما بهربش من حد بيختبرني.
سوسو ابتسمت بس ابتسامة من النص
يبقى نكمل الاختبار بقى
وفجأة رفعت إيدها
بس المرة دي ما كانتش جاية تض.رب.
كانت بتشير للعنبر كله.
وقالت
خليها تشوف بقى أنا هنا مين فعلاً.
وفي ثانية واحدة
العنبر كله اتغير.
واللي بدأ كصدام بين اتنين
بقى مواجهة بين واحدة جديدة وسجن كامل لسه ما قررش هيتعامل معاها إزاي العنبر اتقفل عليه إحساس تقيل مش مجرد تهديد، ده كان إعلان إن كل اللي حواليها اختاروا صفهم.
سوسو كانت واقفة في النص زي ما تكون ماسكة المسرح كله بإيدها.
بس أنا كنت شايفة حاجة تانية.
مش عددهم.
ولا شكل غضبهم.
كنت شايفة الخوف اللي مستخبي ورا الحماس.
خطوة واحدة من ناحية اليمين عملت فرق.
مشيت ناحية جنب الحيط، وبصيت على أول واحدة واقفة قريب مني.
عينها اتفادت عيني بسرعة.
ابتسمت ابتسامة صغيرة
إنتِ خايفة مني؟
ما ردّتش.
بس رجعت خطوة لورا.
سوسو لاحظت.
صوتها على
متبصّيش لحد فيهم! بصيلي أنا!
رجعت بصتلها.
وقلت بهدوء
إنتِ عايزة
بس إنتِ اللي مش مجهزة لها.
ضحكت ضحكة قصيرة
حرب؟ ده أنا اللي عاملة تاريخ هنا يا بنتي.
وفجأة رفعت إيدها تاني.
المرة دي الحركة كانت محسوبة مش عشوائية.
اتنين من اللي وراها اتحركوا ناحيتي.
مش ض.رب مباشر بس ضغط، محاولة تطويق.
العنبر كله كان بيتفرج.
